مشكلة الكرش
قديماً قالوا
"الراجل اللى مالوش كرش .. ما يسواش قرش "
بس ده قديما بقى .. والموضة اليومين دول مش بتعمل حساب الكروش خالص .. وحتى الموديلات اللى نازلة بتعمل لاصحاب الكروش مشكلة .. فإما القميص يكون واسع جدا من عند الكتاف عشان يقفل ع البطن .. أو يكون مظبوط من على الكتاف بس زرايره مش بتتقفل .. ودى مشكلة مخليانى مش عاوز ألبس قمصان خالص لغاية ما أخس .. حاجة تزهق بجد ..
وطبعاً مشكلة الكرش من أكتر المشاكل اللى بتؤرق أى حد عاوز يعمل رجيم .. وده لان الكرش .. اسهل حاجة بتتكون .. وأصعب حاجة بتتعالج .. وطول ما الواحد بيعمل رجيم .. جسمه يخس .. بس كرشه ما يظهرش عليه أى تطور .. ولو بطل رجيم ..كرشه يكبر قبل أى حاجة تانية فى جسمه .. جزء عنيد بجد من الجسم .. بس مش مشكلة .. هانحاول فى الصفحة دى نتتبع بعض المسببات اللى بتساعد على حدوث الكرش و طرق علاجها من خلال مجموعة من النصايح كان حد اداها لى قبل كده وليقيتها بجد مفيدة وعملية .. وان كنت ما حاولتش قبل كده انى أجربها لكن النهاردة هانبتدى فيها مع بعض .. يمكن تجيب فايدة المرة دى .. طبعاً الكلام مكتوب باللغة الفصحى .. وده جميل جداً .. بس أنا هاعلق عليه بالعامية عشان كل الناس تستوعب الفكرة بشكل أسهل
1- أولا أن كبر البطن لا ينشأ فقط عن تراكم طبقات الشحوم، بل أيضا عن احتباس السوائل واحتباس الهواء، وهذا يحدث نتيجة للأكل السريع أو تناول البقوليات على سبيل المثال .
يعنى الواحد ما ياكلش بسرعة .. لازم يدى نفسه الوقت الكافى للمضغ عشان يسهل عملية الهضم وكذلك يجب أكل البقوليات المستوية كويس مش نص سوا عشان لما بتنزل فى البطن بتعمل الإنتفاخ ده
2- إذا قررت البدء بالالتزام بالقواعد، فلا تحرم نفسك فورا من الغذاء، لأن هذا
من شأنه أن يؤدي إلى نتائج عكسية، فيساعد على إبطاء نشاط جهاز الحرق في الجسم مما
يعرقل عملية التخلص من الشحوم، هذا بالإضافة إلى الضغط النفسي والعصبي الذي يسببه
الحرمان من الغذاء، لذا ننصح بالاعتدال في الأكل.
وهى دى القاعدة الأساسية فى الريجيم بتاعنا .. وتابعوا كده معايا من أول لما ابتدينا هاتلاقوا الكلام ده صحيح جدا
3- امضغ طعامك ببطء وستجد أنك تأكل أقل، فالمضغ البطئ يعطي المعدة الفرصة
للإيحاء للدماغ بأنها ممتلئة، وهذا يستغرق حوالي نصف ساعة، ولكن إذا بقيت جائعا
بعد هذا الوقت، فباستطاعتك أن تأكل المزيد بشرط أن تتجنب الأصناف المسببة للسمنة.
بالظبط كده .. لان المضغ بيخلى الجسم يجهد من عملية الأكل وتكون العملية نفسها فيها حرق سعرات حرارية .. بالإضافة طبعاً للفايدة الكبيرة فى تحسين الهضم
4- دقق جيدا في إحساسك بالجوع قبل أن تأكل، هل هو إحساس حقيقي أم وهمي؟ اشرب
الماء أولا أو تحدث مع أحد أو افعل أي شئ آخر، فإذا نسيت الأكل فمعنى ذلك أنك لم
تكن حقا جائعا.
وده برضه صحيح لان الجوع والشبع أحاسيس يتم إفرازها فى المخ فعلياً وعشان كده ممكن تكون وهمية أو مستندة على أساس نفسى زى القلق والخوف والتوتر والغضب فى أحيان كتير
5- ابتعد عن تناول النشويات التي مصدرها الدقيق (المكرونة والخبز الأبيض) واقتصر على الأرز والبطاطس والشعير أو المكرونة المصنوعة من دقيق الذرة.
لان كل ما بعدنا عن الألياف الطبيعية .. عملية الهضم بتكون أصعب و تاخد وقت أطول وبالتالى تتراكم الأكل داخل المعدة مسببة الإنتفاخات والغازات
6- قوي عضلات البطن بممارسة التقليص والانبساط الذي يمكن أن تقوم به أثناء المحادثة على الهاتف أو عند أداء بعض الأعمال، لو فعلت ذلك لمدة عشر دقائق يوميا فسيتحسن مظهر بطنك.
ده بقى تمرين مهم جداً عشان العضلات تنشف .. بس أهم حاجة انه ييجى بالتدريج .. ما تقسوش على نفسكم من الأول عشان ما تتعبوش وتزهقوا وياريت لو تخلى عندك منبه على الموبايل يفكرك تعمل الموضوع ده كل شوية .. ويوم بعد يوم زود عدد مراتك وقرب ما بينهم هاتلاقى الموضوع أسهل بكتير
 |
عاوزين نوصل كلنا لكده .. وبسرعة |
7- احذر أن تبدأ مشوار التخلص من الكرش بالاعتماد على الريجيم فقط دون الرياضة، حتى لا تصاب بترهل الجلد وضعف العضلات.
الرياضة الرياضة الرياضة .. وأهمها طبعاً المشى .. وياريت لوتبقى رياضة متكاملة هاتيجيب نتيجة أحسن وأسرع كمان
8- احرص على تناول الخضراوات الطازجة مثل البقدونس والكرفس والخيار والخس فتعطيك الإحساس بالشبع.
عشان الألياف اللى فيها بتشغل المعدة وبتشبعها وكمان بتحسن الهضم
9- احرص على تناول الفاكهة ذات السعرات المنخفضة مثل الجريب فروت والشمام والتفاح، واحذر من العنب والتين والبلح.
دى طبعاً من المعلومات العامة اللى إحنا عارفينها بس ما يمنعش لو ناخد منهم بالعقل والصبح بدرى كمان ونخلى الفاكهة منخفضة السعرات فى المتأخر براحتنا
10- احذر تناول الفاكهة المجففة مثل التين والقراصيا والمشمشية فسعراتها الحرارية عالية وسكرها كمان عالى قوى
حاول تقاوم وبالذات فى رمضان يامعلم .. وربنا يقويك ويقوينا .. بس برضه من حقك تاكل منها بالعقل و مرة فى الأسبوع و الصبح بدرى
11- ابتعد عن تناول المسليات مثل اللب والسوداني والمكسرات والمياه الغازية
والشكولاته.
غلطة عمرنا اللى بنقع فيها من غير ما ناخد بالنا .. هل تعلم يا صديقى ان 3 حبات فول سودانى بيعادلوا رغيف بلدى كامل ؟؟ أه والله ... أما بقى المياة الغازية فحدث ولا حرج .. وقليلا ما تجد رجل بكرش لا يشرب المياة الغازية
12- تجنب تناول العيش الفينو ذي السعرات الحرارية المرتفعة، واستبدله بالعيش
السن الغني بالردة.
ده أساسى عشان الهضم كمان غير ان السعرات طبعاً أقل
13- إياك والأطعمة المقلية أو المحمرة، وقم بتناول المسلوق أو المشوي فنسبة الدهون فيها تقل إلى الحد الأدنى.
يا حسرة ع البطاطس والفراخ المحمرة .. بس معلش .. عندنا يوم فرى
14- احذر تناول الدهون واللحوم الدسمة مثل المخ والكباب واللحم الضأن والكبدة
ويفضل تناول اللحم البقري الصغير.
طبعا النصيحة دى للسادة الأغنياء لان اللى كاتبها مش عارف كيلو اللحمة البتلو وصل كام دلوقتى .. المهم انك تاكل لحم خالى الدهن حتى لو كان مش بتلو .. وكمان لازم تاكل من الحاجات التانية دى عشان ما يبقاش حرمان ونوصل للنتيجة العكسية بس على الأكثر مرة فى الأسبوع ممكن تجرب نوع واحد
15- استبدل سكر الطعام، ببدائل السكر الموجودة في الصيدليات مثل السويت دايت
والسكارين.
بصراحة .. لو بتاخد سكر قليل زيى .. سيب السكر العادى أحسن .. والأفضل انك تعتمد على الفركتوز بدل من السكارين والسويت دايت والحاجات الصناعية دى اللى داخل فيها مادة السبارتم لان تأثيراتها مش مفهومة ع الجسم لغاية دلوقتى .. بصراحة أنا بأشك فيها وبأفضل أستخدم السكر الفركتوز لو هاستعمل سكر كتير هو أقل بكتير فى السعرات وكمان بيوصفوه لمرضى السكر
16- تجنب إهمال إحدى الوجبات الثلاثة الرئيسية فإهمال وجبة قد يدفعك إلى التهام
أطعمة أكثر غير مرغوب فيها.
الأكل فى الوجبات الثلاثة هام جدا للصحة .. ممنوع تفويت وجبة .. حتى لو ما كلتش كتير بس ما تفوتش .. وكمان ماتنسوش الفاكهة بين الوجبات مهمة قوى عشان تعزز إحساس الشبع والواحد ما يدخلش ع الوجبة وهو ميت م الجوع فياكل كتير
17- ابتعد عن العزومات والولائم والحفلات.
مين اللى يقدر يامعلم .. بس ها نقللها .. يعنى مرة فى الأسبوع فى اليوم الفرى
18- اللبن الرائب، والخميرة من الأطعمة الجيدة في فترة الريجيم، فاحرص على تناولها لتحافظ على نضارة وجهك وبريق عينيك.
حلوة بريق عينيك دى .. بس عموما هما فعلا مهمين وبيساعدوا على الهضم
19- عند ثبوت وزنك وعدم نزول كرشك، رغم الالتزام بالريجيم عليك بأخذ أجازة 48 ساعة من الرجيم وتناول ما طاب لك ثم عد إلى الريجيم من جديد.
ده صحيح .. بس المهم تكون إرادتك قوية فى العودة .. وإلا ها تعمل زى حالاتى وترجع تانى
انشاء الله هنستفيد
ردحذفشكرا
ردحذف